Day: २०८३ भाद्र ३१

काठमाडौं । रसुवाको चिलिमे क्षेत्रमा उद्धारमा खटिएको टोली सुरुङको करिब १५० मिटरभित्र प्रवेश गरेको छ । त्रिशूली–३ ‘ए’ आयोजनामा प्रयोग गरिएको जस्तै पानीको तीव्र धार प्रयोग गर्ने प्रविधिबाट सुरुङको माथिल्लो भागमा जमेको लेदो पन्छाउँदै उद्धार टोली अघि बढिरहेको राष्ट्रिय स्वतन्त्र पार्टीका सांसद तथा इन्जिनियर श्रीराम न्यौपानेले जानकारी दिएका छन् । उद्धार कार्यमा प्रत्यक्ष संलग्न न्यौपानेका अनुसार सुरुङको माथिल्लो भागमा रहेको लेदो हटाउँदै टोली करिब १५० मिटरभित्र पुगिसकेको हो । उद्धारका लागि खटिएका टोलीले कठिन परिस्थितिमा पनि निरन्तर काम गरिरहेको उनले बताएका छन् । न्यौपानेले उद्धार कार्यमा खटिएका सबैप्रति सम्मान व्यक्त गर्दै आज सुखद खबर आउने विश्वाससमेत व्यक्त गरेका छन् ।…

काठमाडौं । ऊर्जा, जलस्रोत तथा सिँचाइ मन्त्री विराज भक्त श्रेष्ठले दक्षिण कोरियाको भ्रमण रद्द गरेका छन् । देशमा उत्पन्न प्राकृतिक विपत्ति र त्यसबाट ऊर्जा क्षेत्रमा परेको क्षतिका कारण उद्धार, पुन:स्थापना तथा विद्युत् आपूर्तिलाई नियमित बनाउने कार्यलाई प्राथमिकता दिँदै मन्त्री श्रेष्ठले पूर्वनिर्धारित भ्रमण रद्द गरेका हुन् । भोटेकोशी–त्रिशूली नदी प्रणालीमा आएको बाढीबाट ऊर्जा क्षेत्रमा ठूलो क्षति पुगेको तथा अझै पनि ठूलो संख्यामा मानिस सम्पर्कविहीन रहेको अवस्थामा खोज तथा उद्धार कार्यमा प्रभावकारी समन्वय गर्नुपर्ने जिम्मेवारी मन्त्रालयसामु छ । साथै क्षतिग्रस्त ऊर्जा संरचनाको पुन:स्थापना, विद्युत् आपूर्ति नियमित तथा व्यवस्थित गर्ने, प्रभावित निजी ऊर्जा उद्यमीलाई आवश्यक सहजीकरण गर्ने र विपद्पछिको पुनर्निर्माण तथा पुनरुत्थानका कामलाई…