विपत्तिमा ऊर्जा व्यवसायीको ठूलो ढाडस: बाढीपीडितको उद्धार र राहतका लागि १३ करोड सहयोग

काठमाडौं — बाढीपहिरोको वितण्डाले जनजीवन तहसनहस बनाएको दुःखी घडीमा मुलुकका ऊर्जा उद्यमीहरू मलम बनेर अघि सरेका छन्। रसुवा, नुवाकोट लगायतका क्षेत्रमा भोटेकोसी र अन्य नदीमा आएको विनाशकारी बाढीले पुर्‍याएको अपूरणीय क्षतिप्रति संवेदनशील हुँदै स्वतन्त्र ऊर्जा उत्पादकहरूको संस्था, नेपाल (इपान) र सम्बद्ध संस्थाहरूले ठूलो राहत रकम जुटाएका हुन्।

बाढी प्रभावित नागरिकहरूको तत्काल उद्धार, राहत र पुनर्स्थापनामा सहयोग पुर्‍याउने उद्देश्यले ऊर्जा क्षेत्रका विभिन्न जलविद्युत् प्रवर्द्धक, उद्यमी तथा हाइड्रोपावर कम्पनीहरूले हातेमालो गर्दै कुल १३ करोड १ रुपैयाँ ७७ पैसा सङ्कलन गरेका छन्।

संकलित उक्त सहयोग रकम ‘प्रधानमन्त्री दैवी प्रकोप उद्धार कोष’ मा जम्मा गर्ने गरी आजै ऊर्जा, जलस्रोत तथा सिँचाइ मन्त्री विराजभक्त श्रेष्ठलाई हस्तान्तरण गरेका छन् ।

प्राकृतिक विपत्तिले नागरिकलाई समस्यामा पारेको बेला उनीहरूलाई राहत र पुनर्जीवन दिनका लागि सम्पूर्ण ऊर्जा व्यवसायीहरू एकताबद्ध भएर यो मानवीय सहयोग जुटाइएको इपानले जनाएको छ।

हाेर्नुहाेस् सहयाेग गर्नेकाे सूची 

स्राेत : इप्पान