काठमाडौं । इलेक्ट्रिकल इन्जिनियरहरूको संस्था, नेपाल (इस्यान) को आयोजना तथा नेपाल विद्युत् प्राधिकरणको सहआयोजनामा भोटेकोशी–त्रिशूली नदी बेसिनमा आएको महाप्रलयबाट प्रभावित जलविद्युत् आयोजनाका विषयमा नेतृत्वस्तरीय परामर्श कार्यक्रम सम्पन्न भएको छ ।
राजधानीमा आइतबार आयोजित कार्यक्रममा महाप्रलयबाट प्रभावित जलविद्युत् आयोजनामा हराइरहेका, मृत तथा सकुशल भेटिएकाहरूको उद्धार, पुन:स्थापना तथा प्रभावित क्षेत्रको उत्थानशीलताका विषयमा छलफल गरिएको हो ।
कार्यक्रममा विपद्बाट प्रभावित जलविद्युत् आयोजनाको अवस्था, उद्धार तथा पुन:स्थापनाका लागि आवश्यक पहल र आगामी दिनमा यस्ता विपद्बाट हुने क्षति न्यूनीकरण तथा आयोजनालाई थप उत्थानशील बनाउने उपायबारे परामर्श गरिएको जनाइएको छ ।
इस्यान र नेपाल विद्युत् प्राधिकरणको सहकार्यमा कार्यक्रम आयोजना भएको थियो । कार्यक्रममा स्वतन्त्र ऊर्जा उत्पादकहरूको संस्था, नेपाल (इप्पान) का अध्यक्ष मोहनकुमार डाँगी, विद्युत प्राधिकारणको पूर्व कार्यकारी निदेृशक हितेन्द्र शाक्यलगायत लविद्युत् क्षेत्रसँग सम्बन्धित सरोकारवालाहरूको सहभागिता रहेको थियो ।
कार्यक्रमले विपद्पछिको उद्धार, पुन:स्थापना तथा जलविद्युत् आयोजनाको पुन:उत्थानका लागि आवश्यक समन्वय र सहकार्यमा जोड दिएको छ ।
