काठमाडौं । लामो समयदेखि रोकिएको हाइड्रो क्षेत्रको आइपीओ फेरी खुल्न थालेको छ । आज बेनी हाइड्रोपावर प्रोजेक्ट लिमिटेडले निस्कान गरेरपनि शेयरधनीलाई बाढेको छ ।
कम्पनीले सर्वसाधारणका लागि निष्कासन गरेको साधारण शेयर (आईपीओ) बाँडफाँड गरेको छ। कम्पनीको आईपीओ सोमबार बिहान बाँडफाँड गरिएको हो।
आईपीओको निष्कासन तथा बिक्री प्रबन्धक एनएमबि क्यापिटल लिमिटेडका अनुसार असोज ५ गते बिहान ९ बजे बाँडफाँड प्रक्रिया सम्पन्न गरिएको हो।
कम्पनीले भदौ २२ गतेदेखि २५ गतेसम्म सर्वसाधारणका लागि प्रतिकित्ता रू. १०० अंकित मूल्यका ८ लाख ६३ हजार २०० कित्ता शेयर निष्कासन गरेको थियो।
आईपीओमा २३ लाख ६१ हजार १२४ जना आवेदकले आवेदन दिएका थिए। उनीहरूले कुल २ करोड ६३ लाख ७१ हजार ७४० कित्ता शेयरका लागि माग गरेका थिए। यसअनुसार निष्कासन गरिएको शेयरको तुलनामा करिब ३० गुणा बढी माग परेको थियो।
आवेदकको संख्या अत्यधिक भएपछि आईपीओ गोलाप्रथाबाट बाँडफाँड गरिएको हो। गोलाप्रथाबाट ८६ हजार ३२० जना आवेदकले १० कित्ताका दरले शेयर प्राप्त गरेका छन्।
आईपीओका लागि आवेदन दिएका ठूलो संख्याका आवेदक भने शेयर पाउनबाट वञ्चित भएका छन्।
