Urja Nepal

काठमाडौं । रसुवाको भोटेकोसीमा गत भदौ १० गते गएको बाढीका कारण १३० अर्ब रुपैयाँ बराबरको क्षति भएको इप्पानका अध्यक्ष मोहन कुमार डाँगीले बताएका छन् । डाँगीले बजारको चिरफारलाई दिएको अन्तरवार्तामा बन्दै गरेको समेत गरेर ६५० मेघावट आयोजनामा क्षति भएको बताए । ‘अहिले बैंकहरुले सहज तरिकाले लगानी गर्ने भनेको २० करोड रुपैयाँ प्रति मेघावट हो’, डाँगीले चिरफारलाई दिएको अन्तरवार्तामा भनेको छन्, ‘६५० मेघावटलाई २० करोडले मान्दा पनि १३० अर्ब रुपैयाँ भयो नि ।’ डाँगीका अनुसार जलविद्युत् क्षेत्रमा हुने बिमा दाबी, बैंकको लगानी सुरक्षा र निर्माणाधीन आयोजनाहरूलाई पुनः सञ्चालनमा ल्याउन सरकारले विशेष पहल गर्नुपर्ने आवश्यकता रहेको बताएका छन् । जलवायु परिवर्तनका कारण…

काठमाडौं । रसुवाको भोटेकोशी नदीमा भदौ १० गते आएको बाढीमा परेर ज्यान गुमाएकामध्ये २४४ जनाको जनाको शव त्रिभुवन शिक्षण अस्पताल महाराजगञ्ज ल्याइएको छ । अस्पतालका फरेन्सिक ल्याब प्रमुख डा गोपाल चौधरीले बाढीमा परेर ज्यान गएकामध्ये २४४ शव शिक्षण अस्पतालमा ल्याइएको जानकारी दिए । अस्पतालमा ल्याइएका २४४ शवमध्ये १६१ शवको अस्थायी व्यवस्थापन गरिएको छ । यस्तै, २४ शवको पहिचान भएकाले परिवार तथा आफन्तलाई जिम्मा लगाइसकिएको डा चौधरीले बताए । यस्तै, हाल ५९ शवहरु अस्पतालमै रहेका छन् । केही शवहरुको पोस्टमार्टम गर्न बाँकी रहेकाले पोस्टमार्टमपछि उक्त शवको व्यवस्थापन गरिने अस्पतालले जनाएको छ ।

काठमाडौं । ह्याप्पी इनर्जी लिमिटेडले प्रधानमन्त्री दैवी प्रकोप उद्धार कोषमा २० लाख रुपैयाँ सहयोग गरेको छ । कम्पनीले ऊर्जा, जलस्रोत तथा सिँचाइ मन्त्रालयमार्फत उक्त रकम कोषमा हस्तान्तरण गरेको हो । शुक्रवार कम्पनीका सञ्चालकहरूले ऊर्जा, जलस्रोत तथा सिँचाइमन्त्री बिराज भक्त श्रेष्ठलाई २० लाख रुपैयाँको सहयोग रकम हस्तान्तरण गरेका हुन् । सहयोग रकम ग्रहण गर्दै मन्त्री श्रेष्ठले विपद्को कठिन परिस्थितिमा सहयोग गर्ने सबैप्रति आभार व्यक्त गरे । उनले संकटका बेला नेपालीहरू एकजुट भएर एकअर्कालाई सहयोग गर्दै आएको उल्लेख गर्दै अहिले पनि त्यही भावना र सहकार्य आवश्यक रहेको बताए । मन्त्री श्रेष्ठले आर्थिक सहयोगसँगै नैतिक, भौतिक तथा प्राविधिक सहयोगको समेत उत्तिकै आवश्यकता रहेको…

काठमाडौँ । भोटेकोसी नदीमा गत भदौ १० गते आएको भीषण बाढीका कारण जलविद्युत् क्षेत्रमा कार्यरत ९७७ जना कर्मचारी तथा मजदुरहरू अझै सम्पर्कविहीन रहेका छन् । विभिन्न १० वटा जलविद्युत् आयोजना, एक सबस्टेसन र एउटा वितरण केन्द्रबाट यति ठूलो सङ्ख्यामा मानिसहरू हराइरहेका हुन् । बाढी आएको १० दिनभन्दा बढी समय बितिसक्दा पनि उद्धार प्रयास प्रभावकारी हुन नसक्दा उनीहरूको स्थिति अज्ञात नै रहेको छ । बेपत्ता हुनेहरूमा ८०५ जना आयोजना परिसरबाट र १७२ जना सुरुङभित्र फसेका कामदारहरू रहेका छन् । उद्धारका लागि नेपाली सेना, सुरक्षा निकाय र स्थानीय टोलीहरू निरन्तर खटिएका छन् । पछिल्लो समय माथिल्लो त्रिशूली ३ ’ए’ को सुरुङबाट २…

काठमाडौं । त्रिशूली–३ ‘ए’ जलविद्युत आयोजनामा फसेका सञ्जय साह र रविर महर्जनकाे सफल उद्धार भएको छ । राष्ट्रिय स्वतन्त्र पार्टी (रास्वपा)का सांसद तथा इन्जिनियर समेत रहेका श्रीराम न्यौपानेका अनुसार उद्धारमा खटिएको टोलीले सहको सफल उद्धार गरेको हो । ‘अन्य पनि छन् भन्ने जानकारी प्राप्त भएको छ’, न्यौपानेले भने, ‘अन्यको खोज तथा उद्धार कार्य जारी रहेको छ ।’ उद्धार टोलीमा खटिएका खनालका अनुसार भित्रबाट एकभन्दा बढी व्यक्तिको आवाज सुनिएको पुष्टि भएको हो । ‘भित्रबाट एकभन्दा बढी व्यक्तिको आवाज सुनिएको पुष्टि भएको छ’, न्यौपानेले भने, ‘उद्धार टोलीले ‘नआत्तिनुहोस्, हामी उद्धार गर्दैछौँ’ भनेपछि भित्रबाट ‘हुन्छ’ भन्ने प्रतिक्रिया प्राप्त भएको छ ।’ गत भदौ…

काठमाडौं । त्रिशूली–३ जलविद्युत आयोजनामा फसेका मानिस जीवितनै रहेको पुष्टि भएको छ । राष्ट्रिय स्वतन्त्र पार्टी (रास्वपा)का सांसद तथा इन्जिनियर समेत रहेका श्रीराम न्यौपानेका अनुसार सुरुङमा मानिस जीवित रहेको बताएका छन् । उद्धार टोलीमा खटिएका खनालका अनुसार भित्रबाट एकभन्दा बढी व्यक्तिको आवाज सुनिएको पुष्टि भएको हो । ‘भित्रबाट एकभन्दा बढी व्यक्तिको आवाज सुनिएको पुष्टि भएको छ’, न्यौपानेले भने, ‘उद्धार टोलीले ‘नआत्तिनुहोस्, हामी उद्धार गर्दैछौँ’ भनेपछि भित्रबाट ‘हुन्छ’ भन्ने प्रतिक्रिया प्राप्त भएको छ ।’ उद्धार कार्य अझै जारी रहेको न्यौपानेले बताएका छन् । गत भदौ १० गते गएको विनाशकारी बढीले रसुवाको भोटेकोसी र त्रिशूली नदिमा ठुलो धनजनको क्षति गरेको थियो ।…

काठमाडौ । रसुवा लाङटाङ खोला जलविद्युत् आयोजनाको सुरुङबाट दुई जनाको शव बाहिर निकालिएको छ । खोजी तथा उद्धारमा खटिएको नेपाली सेना उक्त शव निकालेको आयोजनाका प्रबन्धक विजयमान भट्टराईले बताए । अहिले हाइड्रो–मेकानिकल इन्जिनियरको टोली आयोजना सुरुङभित्र करिब १ सय ५० मिटर भित्र पसेर खोज तथा उद्धार गरिरहेको छ । सोही खोजिको क्रममा दुइ सव भेटेको हो । २० मेगावाटको लाङटाङ खोला जलविद्युत् आयोजनामा खटिएका ४१ जना सम्पर्कविहीन छन् । बुधबार सुरुङको १ सय ५० मिटरभित्र पुगेर खोजी कार्य गरिएको थियो ।

बाढीले प्रवावित नुवाकोटमा ९० प्रतिशत क्षेत्रमा विद्युत् आपूर्ति फेरी सञ्चालनमा आएको छ । गत भदौ १० गते भएको बोटेकोसीको बाढीले नुवाकोटमा विद्युत आपूर्ति अबरोध भएको थियो । नुवाकोटको चपली(देवीघाट दायाँ सर्किट चार्ज भएपछि जिल्लाका थप क्षेत्रमा विद्युत् आपूर्ति सञ्चालनमा आएको हो। चपली(देवीघाट दायाँ सर्किट चार्ज भएपछि विदुर(६, विदुर(१२ को बाँकी क्षेत्र, विदुर(३ को करिब आधा क्षेत्र, तारकेश्वर गाउँपालिकाका वडा नं। १, ५ र ६ तथा वडा नं। २ र ३, बेलकोटगढी(७ लगायतका क्षेत्रमा विद्युत् आपूर्ति सञ्चालनमा आएको छ। यस क्रममा थप ३१ ओटा ट्रान्सफर्मर समेत चार्ज गरिएको प्राधिकरणले जनाएको छ।

काठमाडौं । रसुवामा अवस्थित माथिल्लो त्रिशूली–३ ‘ए’ जलविद्युत् आयोजना क्षेत्रमा बेपत्ता भएका कर्मचारी तथा श्रमिकहरूको तीव्र खोजी एवम् उद्धारका लागि नेपाल विद्युत् प्राधिकरणले विशेष टोलीहरू परिचालन गरेको छ । कठिन भौगोलिक बनावट, खराब मौसम र हवाइमार्गबाट उद्धार सामग्री पुर्‍याउनुपर्ने जटिलताका बाबजुद उद्धार कार्यलाई निरन्तरता दिइएको छ। खोज प्रक्रियालाई व्यवस्थित र प्रभावकारी बनाउन प्राधिकरणले काठमाडौँस्थित प्रधान कार्यालय, बट्टार–त्रिशूली र पावरहाउस नजिकैको शान्तिबजारमा तीनवटा अलग–अलग टोली गठन गरी नेपाली सेना तथा अन्य प्राविधिक विज्ञहरूसँग निरन्तर समन्वय गरिरहेको छ । सामग्री व्यवस्थापन र तत्काल सूचना आदानप्रदानका लागि प्राधिकरणले ‘एनईए (त्रिशुली डिजास्टर रेस्क्यु)’ नामक ह्वाट्सएप समूह प्रयोगमा ल्याएको छ । जसका माध्यमबाट बट्टारमा रहेको…

काठमाडौं । भोटेकोशी र त्रिशूली नदीमा आएको भीषण बाढीका कारण कुल ६६९ मेगावाट क्षमताका १२ वटा जलविद्युत आयोजनाहरूमा ठूलो क्षति पुगेको स्वतन्त्र ऊर्जा उत्पादकहरूको संस्था, नेपाल (इप्पान) ले जनाएको छ । इप्पानका अनुसार बाढीका कारण ८ वटा सञ्चालनमा रहेका (२८१ मेगावाट) र ४ वटा निर्माणाधीन (३८८ मेगावाट) गरी १२ वटा आयोजनाहरू प्रत्यक्ष प्रभावित भएका छन् । ११ वटा आयोजना स्थलबाट हालसम्म ९४७ जना व्यक्तिहरू सम्पर्कविहीन रहेको इप्पानको तथ्याङ्कले देखाएको छ । इप्पानले गरेको अध्ययन अनुसार रसुवा र नुवाकोट क्षेत्रका माथिल्लो त्रिशूली–१, लाङटाङ खोला, त्रिशूली जलविद्युत केन्द्र, माथिल्लो त्रिशूली थ्री ’ए’, देवीघाट, रसुवागढी, चिलिमे लगायतका प्रमुख आयोजनाहरू बाढीबाट गम्भीर रूपमा प्रभावित…