Blog

काठमाडौं । स्वतन्त्र ऊर्जा उत्पादकहरुको संस्था, नेपाल (इप्पान) ले आज (भदौ २६, २०८३ / ११ सेप्टेम्बर २०२६) ललितपुरको कुपण्डोलस्थित होटल हिमालयमा ‘इप्पान फ्राइडे फोरम’ आयोजना गरेको छ । परिवर्तनशील जलवायुमा जलवायु उत्थानशील पूर्वाधार निर्माण र भोटेकोशी बाढीबाट सिकिएका पाठ (Building Climate Resilient Infrastructure in a Changing Climate & Lesson Learns from the Bhotekoshi Flood) विषयमा केन्द्रित रहेर यो कार्यक्रम सञ्चालन हुन लागेको हो । दिउँसो २:०० बजेदेखि सुरु हुने यस कार्यक्रममा इप्पानका अध्यक्ष मोहनकुमार डाँगीको स्वागत मन्तव्य रहनेछ । कार्यक्रममा भोटेकोशी बाढीबाट प्रभावित जलविद्युत् आयोजनाका तर्फबाट पूर्व अध्यक्ष कृष्ण आचार्य र नेपाल विद्युत् प्राधिकरणका प्रबन्ध निर्देशक दीर्घायुकुमार श्रेष्ठले अनुभव आदानप्रदान…

काठमाडौं । गत भदौ १० गते रसुवाको भोटेकोशी नदीमा आएको भीषण बाढी र पहिरोपछि अवरुद्ध भएको चिलिमे जलविद्युत् आयोजनाको सुरुङभित्र जारी उद्धार कार्यमा महत्त्वपूर्ण सफलता हात परेको छ । आयोजना स्थलमा खटिएका नेपाली सेनाको उद्धार टोलीले सुरुङको करिब १०५ मिटर भित्र प्रवेश गरी खोजतलास गर्दा भित्रबाट चिसो हावाको दोहोरो बहाव भइरहेको र भित्र आवाज पठाउँदा प्रतिध्वनि आएको जानकारी दिएको छ । घटनास्थलमा प्रत्यक्ष रूपमा खटिएका राष्ट्रिय स्वतन्त्र पार्टीका सांसद तथा सुरुङ विज्ञ श्रीराम न्यौपानेका अनुसार नेपाली सेना, सशस्त्र प्रहरी र प्राविधिक टोलीले सुरुङभित्र जमेको लेदो पन्छाउने कामलाई निरन्तरता दिइरहेका छन् । सुरुङभित्र हावाको दोहोरो बहाव हुनु र भित्रबाट प्रतिध्वनि आउनुले…

काठमाडौँ । नेपाल विद्युत् प्राधिकरणले विद्युत् प्रसारण लाइनको तार छुँदा गम्भीर घाइते भएकी सुर्खेतकी रश्मी जैसीलाई १३ लाख ८१ हजार क्षतिपूर्ति दिने निर्णय गरेको छ । प्राधिकरणको बुधबार बसेको सञ्चालक समिति बैठकले सुर्खेतको पञ्चपुरी नगरपालिका–२ श्रीचौर, कोटधारामा निर्माणाधीन पक्की पुलको उचाइका कारण ११ केभी प्रसारण लाइनको तार छुँदा गम्भीर घाइते भएकी ८ वर्षीया रश्मी जैसीलाई १३ लाख ८१ हजार ३७२ रुपैयाँ क्षतिपूर्ति तथा राहत रकम उपलब्ध गराउने निर्णय गरेको हो । कोटधारामा महेन्द्र राजमार्गमा निर्माणाधीन पक्की पुलको उचाईका कारण ११ केभी प्रसारण लाइनको तार नजिक सोही स्थानमा बसोबास गर्ने टीकाराम जैसीकी ८ वर्षीया छोरी रश्मी नुहाएर घर फर्कने क्रममा उक्त…

काठमाडाैं । प्रधानमन्त्री वालेन्द्र शाह (बालेन)ले आज दिउँसो ३ बजे मन्त्रीपरिषद्को बैठक बोलाएका छन् । प्रधानमन्त्री तथा मन्त्रीपरिषद्को कार्यालय, सिंहदरबारमा बस्ने गरी प्रधानमन्त्रीज्यूले उक्त बैठक बोलाएका हुन् । बैठकमा समसामयिक विषयहरूमा छलफल हुनेछ । भदौ १० गते रसुवाको भोटेकोसीमा आएको विनाशकारी बाढीपछि सरकार  खोज, उद्धार, उपचार, राहत र प्रभावित मानिसहरूको पुन स्थापनामा निरन्तर जुटिरहेको छ । ​सोही सन्दर्भमा प्रधानमन्त्रीले बाढी प्रभावित क्षेत्रको खोज, उद्धार, राहत  र पुनर्स्थापना थप प्रभावकारी बनाउन र आवश्यक निर्णय गर्न यो बैठक बोलाएको प्रधानमन्त्री सचिवालयले जनाएको छ ।

काठमाडौं । नेपाल विद्युत् प्राधिकरणले प्रसारण लाइन मर्मतका क्रममा करेन्ट लागेर घाइते भएका कर्मचारीलाई साढे १९ लाख रुपैयाँ क्षतिपूर्ति प्रदान गर्ने निर्णय गरेको छ । प्राधिकरण सञ्चालक समितिको बुधबार बेलुका बसेको बैठकले कार्यक्षेत्रमा काम गर्ने क्रममा घाइते कर्मचारीलाई उपचार क्षतिपूर्ति र अन्य क्षतिपूर्तिवापत १९ लाख ७८ हजार ३०१ रुपैयाँ उपलब्ध गराउने निर्णय गरेको हो । प्राधिकरणका सञ्चालक समिति सदस्य अंशुकिरण शाहीकाअनुसार मेलम्ची वितरण केन्द्रको कार्यक्षेत्रमा पर्ने मेलम्ची नगरपालिका १० आम्बोटेमा कार्यरत खोटाङका २५ वर्षीय सन्देश मगर भन्ने शेरबहादुर मगर १५ केभी प्रसारण लाइनको डिस्क पिन बदली गर्ने ०८२ चैत ११ गते करेन्ट लागेर विद्युत दुर्घटनामा परि घाइते भएका थिए ।…

काठमाडौं । भोटेकोशी र त्रिशूली नदी क्षेत्रमा आएको विनाशकारी बाढीले जलविद्युत् आयोजनाहरूमा पारेको प्रभाव विश्वमै अत्यन्तै असामान्य र दुर्लभ प्रकृतिको विपत्ति भएको अन्तर्राष्ट्रिय टनेल विशेषज्ञ प्रोफेसर आर्नोल्ड डिक्सले बताएका छन् । ऊर्जा, जलस्रोत तथा सिँचाइ मन्त्री विराज भक्त श्रेष्ठसँगको भेटपछि सञ्चारकर्मीहरूसँग कुरा गर्दै डिक्सले आफ्नो लामो अनुभवमा यस्तो अभूतपूर्व प्रलय कहिल्यै नदेखेको र सम्भवत: विश्व इतिहासमै यो पहिलो घटना भएको उल्लेख गरे । बाढीका कारण करिब ७२ किलोमिटर क्षेत्र नराम्ररी प्रभावित भएको र साँघुरा गल्छी तथा भत्किएका पुल–सडकका कारण उद्धार टोलीले ठूलो जोखिम मोलेर काम गरिरहेको उनले बताए । सुरुङभित्र फसेका मानिसहरूको खोज तथा उद्धारमा प्राविधिक सहयोग गरिरहेका डिक्सका अनुसार…

काठमाडाैं । प्रधानमन्त्री वालेन्द्र शाहले देशका तीनवटै सुरक्षा निकायका प्रमुखहरूसँग उच्चस्तरीय छलफल सुरु गरेका छन् । गत भदौ १० गते रसुवाको भोटेकोशी नदीमा आएको बाढीपछि सिर्जित परिस्थिति, खोजी तथा उद्धार, राहत वितरण र घाइतेहरूको उपचार लगायतका समग्र विषयमा विस्तृत ब्रिफिङ लिन र आवश्यक निर्देशन दिन प्रधानमन्त्रीले यो बैठक बोलाएका हुन् । सिंहदरबारस्थित प्रधानमन्त्री तथा मन्त्रिपरिषद्को कार्यालयमा जारी छलफलका क्रममा प्रधानमन्त्री शाहले सर्वप्रथम नेपाली सेनाका प्रधानसेनापति अशोकराज सिग्देलसँग बाढी प्रभावित क्षेत्रमा भइरहेका कार्यहरूबारे जानकारी लिएकाे प्रधानमन्त्री कार्यालयले जनाएको छ। प्रधानमन्त्री कार्यालयका अनुसार प्रधानसेनापति सिग्देलसँगको छलफललगत्तै प्रधानमन्त्री शाहले नेपाल प्रहरीका महानिरीक्षक दानबहादुर कार्की र सशस्त्र प्रहरी बल, नेपालका महानिरीक्षक नारायणदत्त पौडेलसँग पनि…

काठमाडाैँ । रसुवाको भोटेकोशी नदीमा गत भदौ १० गते आएको विनाशकारी बाढीपछि राहत र उद्धारका लागि आह्वान गरिएको 'प्रधानमन्त्री दैवी प्रकोप राहत कोष'मा ११ अर्ब ९८ करोड ९७ लाख ९६ हजार ८४ रुपैयाँ मौज्दात रहेको छ। बाढीप्रभावित क्षेत्रमा तत्काल राहत तथा उद्धार कार्य सञ्चालन गर्न कोषबाट १ अर्ब रुपैयाँ राष्ट्रिय विपद् जोखिम न्यूनीकरण तथा व्यवस्थापन प्राधिकरणमा निकासा भइसकेको प्रधानमन्त्री तथा मन्त्रिपरिषद्को कार्यालय (पीएमओ) ले जनाएको छ। प्रधानमन्त्री कार्यालयका अनुसार स्वदेश तथा विदेशबाट प्राप्त सहयोग रकम ९ वटा वाणिज्य बैंकमा रहेका खाताहरूमा ८ अर्ब ७८ करोड ८२ लाख ५८ हजार ३०४ रुपैयाँ मौज्दात छ। यसैगरी, दुई वटा वाणिज्य बैंकमा रहेका विदेशी…

काठमाडाैँ । गत भदौ १० गते आएको अविरल वर्षा र भीषण बाढीले देशका प्रमुख जलविद्युत् आयोजनाहरूमा ठूलो भौतिक क्षति पुर्‍याउनुका साथै निर्माणधीन पूर्वाधारहरूमा जोखिम बढाएको छ। सोही बाढी र पहिरोका कारण रसुवास्थित चिलिमे जलविद्युत् आयोजनाको सुरुङभित्र श्रमिकहरू फस्न पुगेका थिए। बाढीले सडक सञ्जाल पूर्ण रूपमा अवरुद्ध पारेपछि हालसम्म हेलिकप्टरमार्फत मात्रै आवतजावत तथा उद्धार कार्य सञ्चालन गरिँदै आएको थियो। राष्ट्रिय स्वतन्त्र पार्टी (रास्वपा) का सांसद एवं सुरुङ विज्ञ इन्जिनियर श्रीराम न्यौपानेका अनुसार आजदेखि उद्धार स्थलसम्म अस्थायी सडक सञ्चालनमा आएको छ, जसले उद्धार प्रयासलाई थप प्रभावकारी बनाएको छ। न्यौपाने स्वयम् उद्धारको प्रत्यक्ष नेतृत्व गर्न सुरुदेखि नै घटनास्थलमा खटिएका छन्। उनले सामाजिक सञ्जाल…

काठमाडाैँ । गत भदौ १० गते भोटेकोशी तथा त्रिशूली नदीमा आएको भिषण बाढीका कारण ठूलो भौतिक क्षति व्यहोरेका नेपाल विद्युत प्राधिकरणका तीन वटा जलविद्युत आयोजनाहरूको बीमा नै नगरिएको तथ्य बाहिर आएको छ। सरकारी स्वामित्वका यी महत्वपूर्ण आयोजनाहरू प्राकृतिक विपत्तिको उच्च जोखिममा भए तापनि बिना बीमा सञ्चालनमा रहँदा अहिले पुनर्निर्माण र मर्मतसम्भारमा राज्य कोषमाथि अतिरिक्त वित्तीय भार पर्ने देखिएको छ। बाढीका कारण क्षति पुगेका आयोजनाहरूमा नुवाकोटमा अवस्थित २४ मेगावाट क्षमताको त्रिशूली जलविद्युत आयोजना र सोही जिल्लामा रहेको १४.१ मेगावाटको देवीघाट जलविद्युत आयोजना रहेका छन्। यसैगरी प्राधिकरणको अर्को रणनीतिक मानिएको ६० मेगावाट क्षमताको माथिल्लो त्रिशूली ३ 'ए' जलविद्युत आयोजनामा पनि बाढीले ठूलो…